| Dimane?...Ma
vurría partí stasera!
Luntano, no...nun ce resisto cchiù!
Dice che c'è rimasto sulo 'o mare,
che è 'o stesso 'e primma...chillu mare blu!
Munasterio 'e Santa Chiara...
tengo 'o core scuro scuro...
Ma pecché, pecché ogne sera,
penzo a Napule comm'era,
penzo a Napule comm'è?!
Funtanella 'e Capemonte,
chistu core mme se schianta,
quanno sento 'e dí da 'a gente
ca s'è fatto malamente
stu paese...ma pecché?
No...nun è overo...
no...nun ce créro...
E moro cu 'sta smania 'e turná a Napule...
Ma ch'aggi''a fá?...
Mme fa paura 'e ce turná!
Paura?...Sí...Si fosse tutto overo?
Si 'a gente avesse ditto 'a veritá?
Tutt''a ricchezza 'e Napule...era 'o core!
dice ch'ha perzo pure chillu llá!
Munasterio 'e Santa Chiara...
'Nchiuse dint'a quatto mura,
quanta femmene sincere,
si perdévano ll'ammore,
se spusavano a Gesù!
Funtanella 'e Capemonte...
mo, si pèrdono n'amante,
giá ne tènono ati ciento...
ca, na femmena 'nnucente,
dice 'a gente, nun c'è cchiù!
No...nun è overo...
No...nun ce crero...
E moro pe' 'sta smania 'e turná a Napule!
Ma ch'aggi''a fá...
Mme fa paura 'e ce turná!
Munasterio 'e Santa Chiara...
Tengo 'o core scuro scuro...
Ma pecché, pecché ogne sera,
penzo a Napule comm'era
penzo a Napule comm'è?!..
|
I
Domani? Ma vorrei partire questa sera!
Lontano, no non resisto più!
Dicono che è rimasto solo il mare,
Che è lo stesso di prima… quel mare blu!
Monastero di Santa Chiara
ho il cuore buio buio
Ma perché, ogni sera
penso a Napoli com'era,
penso a Napoli com'è?!
Fontanina di Capodimonte,
questo cuore si schianta,
quando sento dire dalla gente
che è diventato malvagio
questo paese ma perché?
No non è vero
no non ci credo
E muoio per la frenesia di tornare a Napoli
Ma cosa ci posso fare?
Mi fa paura ritornarci!
II
Paura? Sì Se fosse tutto vero?
Se la gente avesse detto la verità?
Tutta la ricchezza di Napoli era il cuore!
Dicono che ha perduto anche quello!
Monastero di Santa chiara
chiuse dentro quattro mura,
quante donne sincere,
se perdevano l'amore,
Si sposavano Gesù!
Fontanina di Capodimonte
ora, se perdono un'amante,
già ne hanno altri cento
perché, una donna innocente,
dice la gente, non c'è più!
No non è vero
no non ci credo
E muoio per la frenesia di tornare a Napoli
Ma cosa ci posso fare?
Mi fa paura ritornarci!
Finale:
Monastero di Santa Chiara
Ho il cuore buio buio
Ma perché, perché ogni sera,
penso a Napoli com'era
penso a Napoli com'è?! |
Galdieri - Barberis