E só' sbarcate 'nterra Marechiaro
tre cumitive 'e vascio â Sanitá:
Só' doje coppie 'e 'nnammurate,
doje maeste 'ngannaccate
cu 'e marite e nu cumpare
viecchio "capo 'e suggitá"
E che tavula speciale:
'nterra 'o cato cu 'a frutta e 'o vino,
nu mellone dint''a cantina,
'o cumpare dint''a cucina
ca "discute" cu 'a "principale".
E 'a luna guarda e dice:
"Si fosse ancora overo!
Chisto è 'o popolo 'e na vota:
gente semplice e felice...
chist'è Napule sincero
ca pur'isso se ne va..."
II
Divotamente mo se fanno 'a croce,
comm'è ll'usanza, primma 'e accumminciá...
'O cumpare ch'è 'struito,
fa nu brínnese "in pulito"...
Lle risponne, a una voce,
tutt''a tavula: "Addó' va!"
'A sié Rosa ca se cunzòla
pe' sti "suone" ca só' venute...
pe' 'sta voce ch'è "fina e bella",
p''a canzone ch'è "Palummella"...
...Palummella ca zómpa e vola...
E 'a luna guarda e dice:
......................................
III
'E ttre famiglie tornano vucanno,
nu poco fatte a vino tutt'e tre...
'A varchetta 'e ccunnuléa,
na maesta scapuzzéa...
'O cumpare parla 'e quanno...
quanno 'o guappo era nu rre...
'E ffigliole, pe' sottaviento,
mo se fanno na zuppetella
cu 'e taralle 'int'a ll'acqua 'e mare...
Ll'acqua smòppeta, fragne e pare
ca 'e mmanelle só' tutte 'argiento...
E 'a luna guarda e dice:
......................................
I
E sono sbarcate a Marechiaro
tre comitive della Sanità:
Sono due coppie di fidanzati,
due donne ingioiellate,
con i mariti ed un compare
vecchio "capo di società"
E che tavola speciale:
a terra il secchio con la frutta ed il vino,
un melone nella cantina,
il compare in cucina
che discute con il "direttore".
E la luna guarda e dice:
"Se fosse ancora vero!
Questo è il popolo di un tempo:
gente semplice e felice…
questo è Napoli sincera
che se ne va anche lei…"
II
Devotamente ora si fanno la croce,
secondo l'usanza, prima di cominciare…
Il compare che è istruito,
fa un brindisi "in italiano"…
Gli risponde, all'unisono,
tutta la tavola: "Dove va!"
La signora Rosa si rallegra
Per questi "musicisti" che sono venuti…
per questa voce che è "sottile e bella",
per la canzone che è "Palummella"…
… Palummella che salta e vola…
E la luna guarda e dice:
"Se fosse ancora vero!
Questo è il popolo di un tempo:
gente semplice e felice…
questo è Napoli sincera
che se ne va anche lei…"
III
Le tre famiglie ritornato remando,
un poco ebbre tutte e tre…
La barchetta li culla,
una signora dormicchia…
Il compare parla di quando
quando il guappo era un re…
Le ragazze, sottovento,
ora si fanno una zappetta
con i taralli nell'acqua di mare…
L'acqua sbatte, freme e sembra
Che le manine sono di argento…
E la luna guarda e dice:
"Se fosse ancora vero!
Questo è il popolo di un tempo:
gente semplice e felice…
questo è Napoli sincera
che se ne va anche lei…"
E.
Murolo - Tagliaferri