Nu bellu figliulillo zampugnaro,
che a Napule nun c'era stato ancora,
comme chiagneva, 'nnante a lu pagliaro,
quanno lassaje la 'nnammurata fora...
E a mezanotte, 'ncopp'a nu traíno,
pe' Napule partette da Avellino...
Ullèro - ullèro...
buono e sincero...
Da lu paese, a Napule arrevato,
nce cammenava comm'a nu stunato...
II
E succedette ca, na bella sera,
jette a suná a la casa 'e na signora:
Tappéte, luce, pavimente a cera...
ricchezze maje nun viste anfin'a allora!
Ma se 'ncantaje, cchiù assaje de sti rricchezze,
'e ll'uocchie d''a signora e de li ttrezze...
Ullèro - ullèro...
fuje nu mistero:
Quanno jette pe' vasá â signora 'e mmane:
"Zitto, - sentette 'e dí - viene dimane!..."
III
Cielo, e comme fuje doce 'sta nuvena
ca ll'attaccaje cu n'ata passione!...
E se scurdaje 'e ll'ammore 'e Filumena
ch'era fatecatora e bona bona...
Ma ll'urdema jurnata ca turnaje,
chella signora, â casa, 'un ce 'a truvaje...
Ullèro - ullèro...
sturduto overo,
Avette ciento lire e 'sta 'mmasciata:
"Scurdatavella, chella è mmaretata..."
IV
Na casarella 'mmiez'a li mmuntagne,
nu fucularo cu nu cippo 'e pigne...
'A neve sciocca e na figliola chiagne:
Chisà stu lietto 'e sposa si se 'ncigna...
P''a strada sulitaria d'Avellino
nun sta passanno manco nu traíno...
Ullèro - ullèro...
"Cagna penziero!..."
Sta sotto a nu barcone appuntunato...
Poveru zampugnaro 'nnammurato!...
I
Un bel giovanotto zampognaro,
che a Napoli non c'era mai stato,
come piangeva, davanti al pagliaio,
quando lasciò l'innamorata fuori…
E a mezzanotte su un carro,
partì per Napoli da Avellino…
Ullèro - ullèro...
buono e sincero...
Dal paese , arrivato a Napoli,
camminava come uno imbambolato…
II
E accadde che, una sera,
andò a suonare a casa di una signora:
Tappeti, luci, pavimenti a cera…
ricchezze mai viste fino ad allora!
Ma si incantò, più che per queste ricchezze,
per gli occhi della signora e per le trecce…
Ullèro - ullèro...
fu un mistero:
quando si chinò per baciare le mani alla signora:
"Zitto, - senti dire - vieni domani!…"
III
Cielo, come fu dolce questa novena
che l'incatenò con un'altra passione!…
E si dimenticò dell'amore di Filomena
che era lavoratrice e brava brava…
Ma l'ultimo giorno che tornò,
quella signora , a casa, non la trovò…
Ullèro - ullèro...
Veramente stordito,
Ebbe cento lire e questo messaggio:
"Dimenticatevela, quella è sposata…"
IV
Una casetta in mezzo ai monti,
un focolaio con un ceppo di pino…
La neve fiocca e una ragazza piange:
Per la strada deserta di Avellino
non sta passando nemmeno un carro…
Ullèro - ullèro...
"Cambia pensiero!…"
Sta sotto un balcone appostato…
Povero zampognaro innamorato!…
A. Gill