Quann'i' mme ne partette, t'allicuorde?
Tu faticave 'mmiez'â terra 'e tato...
Nuje stévamo accussí bell'affiatate
Ma po' mme ne partette...t'allicuorde?
Ah, che tiempe felice!
Ah, che belli mumente!
Mo mme vènono a mente...
Ma nun tòrnano cchiù!
II
Te si' scurdata 'e 'mmiez'a lu ggranone...
E quanno 'o sole, 'mpierno, mm'abbruciava?
E 'a vócca mia cu 'a toja s'abbagnava!
Te si' scurdata 'e 'mmiez'a lu ggranone!?
Ah, che tiempe felice!
......................
III
E mo ca só' turnato, core mio,
Mé', viene a la fatica â terra 'e tato...
Pruvammo n'ata vota a stá affiatate...
scuntámmoce 'o pperduto...core mio.
Ah, che tiempe felice!
......................
De Curtis - Valente